JIDUning “Jahon Savdo Tashkiloti kafedrasi” loyihasi doirasida magistr va bakalavr talabalari va doktorantlar o‘rtasida O‘zbekistonning JSTga qo‘shilishining huquqiy masalalariga bag‘ishlangan mavzulardagi maqolalar tanlovi e’lon qilinadi.

Maqolalarning tavsiya etilayotgan mavzulari:
1. O‘zbekistonning JSTga a’zo bo’lishi: muammolar va imkoniyatlar;
2. O‘zbekistonning eksport salohiyatini oshirishning huquqiy asoslari;
3. JST qo'shilishning ilg'or tajribalari;
4. JSTga a‘zo bo'lmoqchi bo'lgan davlatlarning ko'p tomonlama savdo muzokaralarida qatnashishining o'ziga xos jihatlari.

2022 yilning 5 dekabr kuni Jahon iqtisodiyoti va diplomatiya universitetida “O’zbekistinning Jahon Savdo Tashkilotiga a’zo bo’lishi: muammolar va imkoniyatlar” mavzusida taklif etilgan mehmon, professor Martin Smits (JST vakillik dasturining katta maslahatchisi) raisligida ilmiy-amaliy konferensiya bo’lib o’tdi. JIDU rektori, O‘zbekiston Respublikasi Oliy Majlisi Senati Raisining birinchi o‘rinbosari S.Safoyev va JST Bosh direktori o‘rinbosari Siyanchen Chjan (onlayn) konferensiyani ochib berdi.

Dastur ikki sessiyadan iborat bo’ldi va unda aʼzo boʻlish boʻyicha muzokaralarni yakunlashda davom etayotgan qiyinchiliklar va qoʻshilishdan keyingi kutilayotgan muammolar, JSTga yaqinda aʼzo boʻlgan aʼzolar va ilmiy doiralarning fikrlari muhokama qilindi. So‘zga chiqqanlar a’zolik muzokaralarini yakunlash bilan bog‘liq asosiy masalalarga, jumladan, ichki jarayonlar, qonunchilik faoliyati, islohotlar va qo‘shilish jarayonida salohiyatni oshirishni qo‘llab-quvvatlashga,shuningdek, O‘zbekistonning JSTga a’zo bo‘lish jarayoni yakunlanganidan keyin kutilishi mumkin bo‘lgan asosiy muammolar va unga a’zolikdan foyda olish yo‘llari haqida to‘xtalib o‘tdilar. Ma'ruzachilar orasida hokimiyat, mintaqaviy va hamkor ilmiy muassasalar vakillari ishtirok etdi. Ko'tarilgan masalalar JST majburiyatlarini bajarish, institutsional tuzilmalarni yaratish va O'zbekistonga JST majburiyatlaridan foydalanish va yangi iqtisodiy imkoniyatlar yaratish uchun ko'rsatilishi kerak bo'lgan yordamni o'z ichiga oldi.

Joriy yilning iyul oyida Jahon iqtisodiyoti va diplomatiya universitetining “Xalqaro huquq” fakulteti o‘qituvchilari Usmonov S. va Abdullayev K., ilmiy xodim Karimov X. hamda “Xalqaro huquq” fakulteti dekani boshchiligidagi  delegatsiya Shveytsariyaning Bern shahriga tashrif buyurdi.

Safardan koʻzlangan maqsad Yevropa Ittifoqi tomonidan moliyalashtirilayotgan va Jahon savdo markazi tomonidan O‘zbekiston Respublikasi Investitsiyalar va tashqi savdo vazirligi bilan hamkorlikda amalga oshirilayotgan “Oʻzbekistonning Jahon savdo tashkilotiga aʼzo boʻlish jarayoniga koʻmaklashish” loyihasi doirasida hamkorlikni amalga oshirishdan iborat boʻldi. Tashrif davomida delegatsiya aʼzolari Bern universiteti (Shveytsariya) qoshidagi Jahon savdo instituti Yozgi akademiyasining quyidagi modullari bo‘yicha tahsil olishdi:

1. "Qishloq xoʻjalik mahsulotlar savdosi boshqaruvini kuchaytirish" - maʼruzachilar Ken Ash va Kristian Xabern.

2. "Xalqaro investitsiya huquqi va nizolarni hal etish sohasidagi so‘nggi o‘zgarishlar" – maʼruzachilar Maykl Potesta, Krista Nadavukarer va Radrigo Polanko.

Olingan yangi bilim va ko‘nikmalar JST huquqi bilan bog‘liq fanlarni o‘qitish tizimini takomillashtirishga, yo‘lga qo‘yilgan hamkorlik esa loyihani yangi bosqichga olib chiqishga xizmat qiladi.

JIDU Jahon Savdo Tashkiloti kafedrasi 2022 yilning 25 aprel kuni o’z eshiklarini ochdi. Tadbir davomida JIDU  rektori bilan bir qatorda maxsus taklif etilgan mehmonlar: Jahon Savdo Tashkiloti bosh direktori o’rinbosari Siyanchen Jang (onlayn), Oʻzbekiston Respublikasi Investitsiyalar va tashqi savdo vaziri o’rinbosari Baxodir Abidov, Jahon Savdo Tashkiloti vakolarxonalari bo’yicha dastur rahbari doktor Verner Zdouk, Fransiya, Koreya, Shveitsariya elchixonalari vakillari, Oʻzbekiston Respublikasi Savdo-sanoat palatasi vakili, Oʻzbekiston Respublikasining SHveitsariyaning Jeneva shahridagi BMT bo’limi va boshqa xalqaro tashkilotlarga vakili o’z nutqi bilan chiqdi. “Xalqaro huquq” fakulteti dekani Yakubxodjayev U. JIDU Jahon Savdo Tashkiloti kafedrasi faoliyati, maqsad va istiqbollari haqida taqdimot qildi.